1. VOTUM - INTROITUS - TONGGO :
Paragenda : Ibagas Goran ni Naibata Bapa, Pakon Tuhan Jesus Kristus
ampa Tonduy Na Pansing
Kuria : Sitompa langit pakon tanih on. Amen.
(Ipilih paragenda ma humbani introitus na itoruh on : a, b, atap c)
a. Psalmen 136
Paragenda : Paji ma Jahowa, ai pardear layai do Ia, tongon, ronsi sadokah ni
dokahni do idop ni uhur-Ni.
Kuria : Puji ma Naibata ni sagala Naibata, tongon, ronsi sadokah ni dokah ni
do idop ni uhur-Ni
Paragenda : Puji ma Tuhan ni sagala tuan, tongon, ronsi sadokah ni dokah ni
do idop ni uhur-Ni
Kuria : Na mambahen sahalak-Si, halongangan banggal, tongon, ronsi sadokah
ni dokah ni do idop ni uhur-Ni
Paragenda : Na manompa langit marhitei hapentaran, tongon, ronsi sadokah ni dokah ni
do idop ni uhur-Ni
Kuria : Na paherbang tanoh i atas ni bah, tongon, ronsi sadokah ni dokah ni do
idop ni uhur-Ni
Paragenda : Na manjadihon panondang na bolon, tongon, ronsi sadokah ni dokah ni do
idop ni uhur-Ni
Kuria : Makatahon tarimakasih ma nasiam bani naibata ni surga, tongon, ronsi
sadokah ni dokah ni do idop ni uhur-Ni
Paragenda : Martonggo ma hita ! (ipilih sada tonggo na bani halaman 117-118)
b. Psalmen 138
Paragenda : Tarimakasih do hatahononku Bamu, ale Jahowa, humbani gok ni uhurhu;
dodingkonon ku do Ham i lobei ni parnagori atas.
Kuria : Manrogop do ahu dompak rumah-Mu na pansing in, pujion ku do goran-Mu,
halani idop ni uhur-Mu ampa hasintoingan-Mu, ai i pabanggal ham do goran
Mu ampa bagah-bagah-Mu mangatasi haganup.
Paragenda : Sanggah dilo-dilo ahu, ibalosi Ham do ahu, itambahi Ham do gogoh
bani tonduyhu.
Kuria : Sai Ham ma pujion ni ganup raja-raja ni tanoh on, ale Jahowa, anggo ibogei sidea ma hata ni pamangan-Mu
Paragenda : Dodingkonon ni sidea do pasa dalan ni Jahowa, ai banggal do
hasangapon-Ni Jahowa
Kuria : Tongon, timbul do Jahowa, tapi itatap do halak na malumat; halak sigijang uhur, humbani na daoh pe dompa itanda.
Paragenda : Mardalan pe ahu itongah-tongah ni hasosakan, Ham do na pagoluh ahu;
iolathon Ham do tangan-Mu dompak gila ni musuh ku, anjaha ipaluah Ham do
ahu marhitei tangan-Mu siamun.
Kuria : Jahowa do na pasaloseihon bangku. Ham Jahowa, ronsi sadokah ni dokah ni do idop ni uhur-Mu. Ulang ma tadingkon Ham jadi-jadian ni tangan-Mu
Paragenda : Martonggo ma hita ! (ipilih sada tonggo na bani halaman 117-118)
c. 2 Musa 15
Paragenda : Mandoding ma ahu bani Jahowa, ai marmulia tumang do Ia; huda pakon
na managajaksi isampakkon do hubagas laut.
Kuria : Jahowa do hagogohonku pakon doding ku, anjaha Ia do hatuahon bangku;
Ia do Naibatangku, pasangaponku ma Ia, Naibata ni bapangkin,
Patimbulonku ma ia.
Paragenda : Marmulia marhitei hagogohon do tangan siamun-Mu, Ham Jahowa;
tangan siamun-Mu in do, Ham Jahowa, manropuki musuh in.
Kuria : Marhitei hatimbulon ni hasangapon-Mu iraseihon Ham do na manlawan Ham;
ipadalan Ham do ringis-Mu mamboiskon sidea songon anggala.
Paragenda : Iombuskon Ham hosah-Mu, gabe ilangkobi laut sidea; mogap sidea songon
simbora hubagas bah namajangin.
Kuria : Ise ma songon Ham, ale Jahowa, i tongah-tongah ni sagala Naibata ?
ise ma nasongon Ham, marmulia ibagas hapansingon, jombut ibagas
pambahenan sipujion, na mambahen halongangan ?
Paragenda : Martonggo ma hita ! (ipilih sada tonggo na bani halaman 117-118)
2. DODING :
3. SIBASAON : (Teks ni Ambilan Minggu)
Paragenda : Tangar hita ma hatani Naibata na tarsurat bani ..........
(Iujungi marhitei :) "Amen"
Martuah do namangar hata ni Naibata anjaha namarimbagaskonsi !
Kuria : Amen.
4. DODING :
5. AMBILAN : (Teks ibaca secara responsoria)
6. DODING :
7. TONGGO : (Tonggo pangapition hun bani na roh)
8. DODING :
9. TONGGO : (Humbani suhut janah paima martonggo, boi do suhut marsahap atap
padaskon hasaksian ni)
10. DODING :
11. TONGGO GALANGAN - PANUTUP - PASU-PASU :
Parambilan : Ondoskon hita ma galanganta hubani Naibata, Martonggo ma hita :
(Basaon ma sada tonggo galangan na bani halaman 119 )
Riap ma hita martonggo marhitei tonggo na niajarhon ni
Tuhan Jesus hubanta :
Parambilan + Kuria :
Ham Bapa nami na i nagori atas, sai na papansing ma goran-Mu, Sai roh
ma harajaon-Mu, sai saud ma harosuh ni uhur-Mu i nagori tongah on
songon na i nagori atas. Bere Ham ma bannami sadari on hagoluhan
ari-ari. Sasap Ham ma dousa nami songon panasap nami bani dousa ni
hasoman na mardousa dompak hanami. Ulang hanami bobai Ham hu
parlajoan, Paluah Ham ma hanami bumbani pangagou.
Ai Ham do simada harajaon, pakon hagogohon, ampa hasangapon
sadokah ni dokan ni. Amen
Parambilan : Jalo nasiam (hita) ma pasu-pasu humbani Tuhan Naibata ta :
Idop ni uhur ni Tuhan ta Jesus Kristus, Pakon holong ni atei ni
Naibata Bapa, ampa parsaoran ni Tonduy Na Pansing ma
mangkasomani nasiam (hita) haganupan
Kuria : (Mandodingkon : ' Amen" Es = do)
5 . 6 . | 5 . 6 . | 5 . 4 . | 3 . . 0 |
A - men A-men A - men
12. PARSAHAPAN - TUGAH-TUGAH :